It's Fate Where we get birth

“ Bachche desh ka bhavishya hote hai “

Lekin kya aaj ke samaj main bachcho ki achhi dekhbhal or parvarish ho rhi hai ??

Umeed Karte h aapka jawaab - Haan, hi hoga, humare bachche achhe schools me padh rahe hai, achha kha rahe hai, achha pahan rahe hai, achhi siksha graham kar rhe hai aur aage jake successful banenge.

Lekin Kya Aap ( bahut se bhartiya log ) ne kabhi un bachcho ke bare me socha hai jo Anath hai , unki trf dhyaan se dekha hai, unke halat ko samajhne ki koshish ki hai , mai un bachcho ki bat kar rha hu jo Garib bechare Sadak, station aadi par ghumne ko majboor hai, aur idhar udhar Khane ki talash me ghum rahe hote hai, Aapke pas aake aapse kuch khaane k lie paise mangte hai. Ye bachche bhi hmare desh ke hi hai Ye bhi hmare desh ka bhavishya hai lekin kya hota hai inke sath  ---

Ye humare pas kuchh mangane k lie aate hai to hum me se kuchh log to inhe bhut buri tarah daat kar bhaga dete hai,  Sharm aani chahiye un logo ko. Agar aap unki help nahi kr skte to kuchh to kijiye unke liye ,at least unhe kuchh khila dijiye, ab aap log khud ko achha dikhane ke liye kehte hai ki badhava nahi dena chahiye aise bachcho ko paise dekar lekin dosto agr aap logo ke pas itni sochne ki kshamata hai ki paise dene se unko badhava milega aur wo galat  kam krenge to itni himmat karo ki unhe paise na dekar kuchh khana hi khila do jissse unka pet bhar jayega.

Hum me se kuchh log kehte hai ki ye Bachche badtamiz hote hai lekin kya kbhi aap logo ne ye sochne ki koshish ki hai ki wo badtamiz kyo hote hai ? Samaaj ka unke lie kathor vywahar (behaviour) or maansekta unko essa bana dete hai.
IndusYuva ke memebers dwara ek city me survey karane se ye anumaan lagaya gya ki In Bachcho ka Aisa behavior hone ki wajah hum me se kuchh log hai, hum main se kuchh log inhe jab bulate hai to bahut buri tarah se treat karte hai, bahut se log to is hadd tak gir jate hai ki unko kuch peso ka laalach de kar kisi anjaan or sunsaan jagah pe le jaate h... jaha pe unka badi hi besharmi se shoshan karte hai. ( Bhavishya main un bacho ka kya hoga ??? ) Inhi main se Kuch bacho ko chotti umar main dukaano or dhaabo pe kaam karne k lie majboor kia jaata hai, kya in bacho k bina humara desh vikshit (develop) ho paaega.

In sab ke sandarbh me IndusYuva aapse appeal krta hai ki please in chijo ko khatam karne me humari help kare. Help se matlab humara ye hai ki aap khud ko badle:

1.  Agar koi bachcha bhukha hai to use khana khilane ki koshish kare,
2.  Agar ho sake to unki jarurato ko pura karane ki koshish kare.
3.  Unke saath ache se pesh aae, jis se unko b ache vywaahar ko seekhne or samjhne ka mauka mile.
4. Agar aap apne najdeek kisi chotti umar k bache ko kaam karta dekhe, to is baare main kisi police station main jarur shikaayat darj karaain.
Humara uddeshya hai ki har insaan samaaj ke prati apne kartavy ko samajhe, yahi ek akhiri rasta hai is bigade hue samaj ko sudharne ka.

                                                                           

#IndusYuva